گبرچ یبت حیدر علی شامخ یظل ماینهار
وچف الیحبچ من یدگ بابچ أبد ماینهار
اعله الیضدچ لو نبی إنسیّل غضب ماینهار
وطوفان یصبح کل نفسنه وبی یتم متهاوی
الشاعرهادی الامغیطی
ادیار اهلنه الی ارحلو ارد اسالک من بیهه
مو عینی بجفاهم صفت من الدمع من بیهه
لیش النزیل الچان امس دونی صبح من بیهه
وتالی انگلب ملک الاسد جحر وعرش للواوی
الشاعرهادی الامغیطی
جرحی جرح طفله یتیمه الما برت علتهه
وبین الفتایات الخلگ بنت الشری علتهه
ولو مثل مفرد ولد طایح وسط علتهه
جرحی یمثل غیبتک گلبی الوجودک هاوی
الشاعرهادی الامغیطی
مسرع بهلنه اتسر لمن ما تنتظر یابلهه
روحی حزینه و مولمه وبس الهظم یابلهه
تدری ابجفاهم هم قهردهری واذه یابلهه
ویابلهه جور اویازجر ظیم ومحن وبلاوی
الشاعرهادی الامغیطی
مل منی صبری اعتقد موش الصبر ملیته
وما ملانی هل حزن حزنی ابحزن ملیته
ولفی الترکنی وما یمر لو ما یمر ملیته
لا طاب اله ذوق الهوا وحتی نسیم اشتاوی
الشاعرهادی الامغیطی
هنیاله کلمن لوصبح جارک یخی ودنّه
رغم المسافه والبعد زاد وکثر ودنّه
یطیور سعدی للمحب یالله ابعجل ودنّه
مو هل گلب دون الولف خاوی ویظل متهاوی
الشاعرهادی المغیطی
بسم الله الرحمن الرحیم الهم صلی وسلم علی نبینا محمد وال بیته الطیبین الطاهرین واجعلنا من شیعتهم المخلصین؛؛؛؛